यस्ता छन शूटिङमा शाहरुखको यस्तो रेकर्ड

Bhuwan Chaulagain 2 February 2021

मुम्बई  । बलिउड अभिनेता शाहरुख खानको हाल छायांकनरत फिल्म ‘पठान’को केही एक्सन दृश्य दुबईको बुर्ज खलिफामा खिचियो ।

धेरै बलिउड तथा दक्षिण भारतीय फिल्मले पृष्ठभूमिमा यो आइकनिक टावरको ब्याकड्रप राखेर सुटिङ गरिरहँदा शाहरुख भने फिल्मको टिम लिएर बुर्ज खलिफामै खिचे ।

यो त्यही स्थानमा हो, जहाँ हलिउडका टम क्रुजको ‘मिसन इम्पोसिबलः घोस्ट प्रोटोकल’ र भिन डिजेल अभिनित ‘फास्ट एण्ड फ्युरियस’मात्र खिचिएको छ ।

यही कारण पनि शाहरुख बुर्ज खलिफामा फिल्म सुटिङ गर्ने पहिलो बलिउड कलाकार बनेका छन् ।

फिल्मका लागि दुबईको सडकमा केही दिन अघिमात्र कुदिरहेको कार र ट्रकमाथि एक्सन दृश्यको छायांकन गरिएको थियो ।

बुर्ज खलिफामा शाहरुख र अभिनेता जोन अब्राहमको एक्सन दृश्य खिचिएको छ ।

शाहरुखका अघिल्ला केही फिल्मले पनि सुटिङको मामलामा यस्तै रेकर्ड राखेको छ ।

उनको फिल्म ‘स्वदेश’ पहिलोपटक नासामा छायांकन गरिएको थियो ।

शाहरुख अभिनित ‘जब तक हे जान’ पहिलोपटक डिस्कोभरी च्यानलको मुख्यालयमा खिचिएको थियो ।

यस्तै उनको फिल्म ‘फ्यान’ लण्डनको मेडम टुसादमा छायांकन गरिएको थियो ।

हालसम्म यी स्थानमा कोही पनि बलिउड कलाकारका फिल्म सुटिङ गरिएका छैन ।

शाहरुख आफ्ना हरेक फिल्ममा केही न केही नयाँ गर्न रुचाउँछन् ।

त्यसैको निरन्तरताको रुपमा फिल्म ‘पठान’को छायांकन बुर्ज खलिफामा गरिएको बुझाइ फिल्म विश्लेषकहरुको छ ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया

0