सुनकोशीमा गिरिको पक्षमा बहुमत पुग्दापनी सर्वसम्मत हुन सकेन टिकट,पार्टीले न्याय दिनेछ : गिरि 

Bhuwan Chaulagain 9 April 2022

सिन्धुली । सिन्धुली जिल्ला सुनकोशी गाउँपालिकामा नेकपा एमालेको टिकट विवाद मिल्न सकेको छैन ।

टिकट दाबेदार गर्ने नेताहरु धेरै भएको हुनाले विवाद बढेको हो । हिजो भएको छलफलमा १० जना आकांक्षी भएको हुनाले विवाद नमिलेको स्रोतले जनाएको छ । उक्त छलफलमा दुई तिहाइ गाउँ पार्टी सदस्यहरुको दाबी सहित टिकटको दाबेदार गरेका नेता रोमन राज गिरि (अशोक) पक्षले टिकट नपाएको भन्दै असन्तुष्ट समेत व्यक्त गरेका थिए ।

जनताको माग अनुसार पार्टीले टिकट नदिएको साथै जिल्ला र प्रदेशको नेताको पहुचमा हुनेले टिकट पाउने परिपाटि अझै रहेको भन्दै नेता गिरि पक्षले असन्तुष्ट व्यक्त समेत गरे । नयन पोष्टसगं कुरा गर्दै नेता गिरिले भने ‘गाउँ पार्टीको बहुमतले निर्णय गरेको कुरा जिल्ला र केन्द्रले मान्नु पर्ने र सर्वसम्मत आफुले टिकट पाउनु पर्ने र त्यस्मा कुनै विवाद गर्न मिल्दैन । ’

आज कसलाइ टिकट दिने भन्ने विषयमा पूर्ण बैठक बस्दै छ । यदि आज बसेको बैठकबाट  टिकट कसलाइ दिने भन्ने बारे टुगाें लाग्न सकेन भने नामवली जिल्लामा सिफारिस हुँने स्रोतले जनाएको छ । स्थानीयहरुबीच भने नेता गिरिे लोकप्रिय छन् ।

यो खबर पढेर तपाईलाई कस्तो महसुस भयो ?

38.1%

खुसी

14.29%

दुःखी

14.29%

अचम्मित

9.52%

उत्साहित

0%

आक्रोशित

प्रतिक्रिया

0